Nga autori i romanit Hipnotizuesi vjen një triller i ri tronditës me protagonist detektivin finlandez Jona Lina. Një udhëtim shitues në thellësitë e maktheve tona.

Quhet Jona Lina dhe është finlandez me origjinë, por prej vitesh Stokholmi është shtëpia e tij. Ka shkelur çdo rrugicë, rrugë e shesh. Por nuk ka qenë kurrë në atë apartament elegant e luksoz, prej nga dëgjohen tingujt e një muzike mallëngjyese. Një pjesë në violinë, e luajtur nga një artist i pakrahasueshëm. Dhoma e ndenjjes në këtë apartament është e vetmja dhomë krejtësisht e zhveshur, pa mobilie, pa zbukurime, e zbrazët në mënyrë të pazakontë.
Përveç trupit. Një burrë rri pezull disa centimetra nga dyshemeja dhe duket sikur pluskon në ajër, duke ndjekur tingullin e qetë të violinës, përzier me zukatjen e pakëndshme të mizave. Kolegu që e thirri në vendin e krimit, kishte të drejtë: ka diçka të pashpjegueshme. Kufoma duket sikur pluskon në zbrazëti.
Vrasje apo vetëvrasje? Si inspektor i skuadrës së hetimit të vrasjeve në Stokholm, Jona Lina e di se dukjet janë vetëm veli mashtrues, pas së cilit fshihen krimet. Dhe krimet lindin nga një gjë e vetme: dëshirat. Ajo që Jona Lina nuk di është se edhe dëshirat më ambicioze, madje edhe ëndrrat më të çmendura, mund të realizohen, se frika mund ta kthejë çdo ëndërr në një makth të tmerrshëm. Ajo që detektivi nuk di është se, nga makthet tona më të këqija, as vdekja nuk mund të na shpëtojë.

“Mbërthyes… Kepleri do t’ju lërë pa gjumë, derisa të keni kthyer faqen e fundit.”
                                                                                                                   The Philadelphia Inquirer

“Një roman plot aksion, i gjallë, me intriga të jashtëzakonshme dhe personazhe tepër interesante.”
                                                                                                                   Los Angeles Times Magazine

“Një triller jashtëzakonisht i rafinuar.”
                                                     Marie Clair (Mbretëria e Bashkuar)