Gjyshja në arrati

Shumica e fëmijëve e kanë një vëlla apo një motër. Matilda ka një gjyshe, që jeton me të dhe nënën e saj. Gjyshja është paksa e çuditshme, me flokë ngjyrë portokalli, rroba që i farfurinë, di të bëjë vertikalen dhe është kampione në videolojëra. Nganjëherë flet vend e pa vend, është e vërtetë, por Matilda e do dhe e ka aleate në familje. Dhe kur nëna e saj vendos ta çojë gjyshen në një shtëpi për të moshuar, Matilda nuk dorëzohet: ajo largohet nga shtëpia për të çliruar gjyshen e dashur, në një aventurë plot humor e të papritura! Por nuk do të jetë aq e lehtë sa e mendonte…