Djali që e sheh botën me gishta
Përktheu: Astrit Beqiraj
Numri i faqeve: 80
Çmimi: 700 lekë
KUR DIVERSITETI NUK ËSHTË MË PENGESË, POR FORCË
Kamili është një fëmijë si çdo fëmijë tjetër: ai është i gëzuar, i gjallë, shkon në kopsht dhe i pëlqen të bëjë edhe ndonjë shaka. Po çfarë e bën atë të veçantë? Kamili ka lindur i verbër. Nuk është gjithmonë e lehtë të rritesh pa pasur mundësi ta shohësh botën me sytë e tu, por me ndihmën e familjes, Kamili mëson të përmirësojë aftësitë e tjera, të nxisë imagjinatën dhe madje të “shohë me gishta”. Dhe më kot prindërit shqetësohen për të ardhmen e tij; Kamili është i sigurt: në planet e veta, e sheh veten President të Republikës!
Aventurat e Kamilit, me sfida dhe suksese, na mësojnë se mund të arrijmë gjithçka, nëse e duam me gjithë shpirt.
Rreth autorit
Tomasz Małkowski
Tomasz Małkowski ka lindur në vitin 1966 në Gdańsk, Poloni.
Ai është diplomuar për pedagogji speciale në Fakultetin e Edukimit, por njihet veçanërisht si autor librash për fëmijë dhe tekstesh shkollore të historisë. Ka botuar edhe një guidë udhëtimi për fëmijët dhe serinë e librave Grabitësi i vazos së humbur. Në vitin 2013, fitoi çmimin kryesor në Konkursin Letrar të Qytetit të Gdańskut, për romanin Ojcze Józefie.
Jeton në Gdańsk me bashkëshorten dhe fëmijët, i pëlqejnë shëtitjet në natyrë dhe mësimi i gjuhëve të huaja.
Libri "Djali që e sheh botën me gishta" është përkthyer në shumë gjuhë.
Rreth përkthyesit
Astrit Beqiraj
Astrit Beqiraj ka lindur në Vlorë. Në vitin 1980 përfundoi studimet për gjuhë dhe letërsi shqipe në Fakultetin e Historisë dhe të Filologjisë, dhe në vitin 1988 studimet për gjuhët polake, serbe dhe frënge në Fakultetin e Gjuhëve të Huaja, Universiteti i Tiranës (UT). Në vitet 1981-2000 punoi si gazetar-përkthyes i gjuhës polake në Radio Tirana; 1995-1997 - lektor i gjuhës shqipe në Universitetin e Torunit (Poloni); 2000-2022 - specialist i diplomacisë publike dhe medias/përkthyes në Ambasadën e Polonisë në Tiranë. Astrit Beqiraj ka dhënë kontribut të çmuar për promovimin e gjuhës dhe kulturës polake jashtë vendit. Ky kontribut, me punën dhe angazhimin e tij ndër vite, i ka afruar shqiptarët dhe polakët më pranë njëri-tjetrit. Për këtë kontribut, Beqiraj është nderuar me disa çmime të rëndësishme: 2013 - Çmimi për Përkthimin më të Mirë për vitin 2013, nga Shoqata e Botuesve Shqiptarë; 2013 - Gloria Artis (argjend) nga Ministria e Kulturës dhe Trashëgimisë Kombëtare e Polonisë; 2018 - “Çmimi i Mirënjohjes” nga Universiteti i Varshavës; 2020 - Çmimi Bene Merito nga Ministria e Punëve të Jashtme e Polonisë; 2024 - Kryqi i Meritës nga Presidenti i Republikës së Polonisë. Astrit Beqiraj ka përkthyer dhjetëra vepra nga letërsia polake në shqip, publicistikë, prozë, poezi: "Mbi udhëtimet në kohë" dhe "Në bregun tjetër të lumit" nga Czesław Miłosz; "Perandori, Imperium", "Udhëtime me Herodotem", "Tjetri, "Abanoz" nga R. Kapuściński; "Rrugës për në Babadag" nga A. Stasiuk; "Në kërkim të sensit të humbur" nga A. Michnik; "Pianisti" nga W. Szpilman; "Mbreti i fëmijëve të botës", "Falimentimi i Xhekut të vogël", "Juzhkët", "Jashkët dhe Frankët" nga J. Korczak; "Poezi të zgjedhura" nga T. Różewicz; "Sonatë për shumë tamburë", "Kaloje plugun mbi eshtrat e të vdekurve", "Empuzion" nga O. Tokarczuk; "Përmbytja" nga H. Sienkiewicz etj.