City Spies

Në këtë seri të re emocionuese që Stuart Gibbsi e quajti “a must-read”, James Ponti, fitues i Edgar Award, bashkon pesë fëmijë nga e gjithë bota dhe i transformon në agjentë sekretë të jetës reale. Sara Martinez është një haker. Është vetëm 12 vjeçe, por nuk ka sistem kompjuterik në botë që mund t’i shpëtojë mendjes së saj. Madje arrin të futet edhe në rrjetin e Gjykatës për të Mitur në Nju Jork (por mbani shënim, vetëm për një kauzë të mirë). Pret ta trajtojnë si një heroinë dhe befas i duhet të dalë para gjykatësit. Për ta shpëtuar nga akuzat, mbërrin një avokat misterioz, që në të vërtetë është kreu i një shkolle shumë sekrete për spiunë adoleshentë, e lidhur me MI6, Shërbimin Sekret Britanik! Sara rekrutohet dhe takohet me shokët e rinj të skuadrës: Katin, Rion, Parisin dhe Sidnein. Secili prej tyre ka një talent të jashtëzakonshëm, si ajo. Stërvitja sapo ka filluar dhe shumë shpejt skuadra e spiunëve do të gjendet në Paris, ku po zhvillohet një samit ndërkombëtar i të rinjve për klimën, të cilit po i afrohet një kërcënim i errët… Sarës i duhet të hakërojë kompjuterin e një shkolle rivale për t’i penguar që të fitojnë një milion euro, të kacavaret tridhjetë metra anës murit të një ndërtese, të përpiqet të ndalë një kriminel të rrezikshëm… Askush nuk mund të thotë që të shpëtosh botën, është e lehtë. Një mision i parë që do të ndiqet nga shumë të tjerë, në vëllimet e ardhshme. Skuadra e agjentëve sekretë nuk ka pse t’i ketë zili bëmat e Agjentit 007!