Don Kishoti i Mançës (i ritreguar për fëmijë)

Ritregimi i kryeveprës së Servantesit Don Kishoti i Mançës nuk është një shkurtim mekanik; kjo punë ka në vetvete elemente të vërteta krijuese dhe kjo është një nga meritat themelore të Odhise Grillos. Autori, siç do të shprehej Noli, është rrokur me romanin dhe pas shumë mundimesh ka arritur ta vërë poshtë. Për këtë përshtatje është bërë një punë serioze, me pasion dhe me një synim të qartë, nisur nga dëshira që fëmijët të njihen më herët me një kryevepër të letërsisë botërore, siç është Don Kishoti i Mançës.