Autobusi i drithërimave 4

Ki kujdes, hapi sytë mirë kur ndez kompjuterin. Nuk mund ta dish dot kurrë se kush ndodhet prapa ekranit, në atë botën e çuditshme që është Realiteti Tjetër. Ka gjëra që rrinë atje, në pritë, dhe një ditë të bukur kthetrat e tyre mund të dalin nga monitori, drejt teje… Profesori ndez një shkrepëse dhe e mban flakën te koka e llullës. Llulla kishte rënë përtokë midis një lëmshi kabllosh kompjuteri. Dhe aty pranë ishte dorëshkrimi i Autobusit të Drithërimave. Fshehurazi, profesori e mori dhe e futi me nxitim brenda në xhaketë, pa e ditur as ai përse. Ndoshta në atë libër mund të gjejë shpjegimin e të gjitha ndodhive të asaj dite. E çuditshme! Atij iu duk se ishte vetë libri që donte ta merrte. Dhe ta detyronte ta fuste nën xhaketë, pa u thënë të tjerëve. Sikur të ishte diçka e ndaluar ose e rrezikshme.