Janja Vidmar, autore sllovene, midis nxënësve të shkollës “Osman Myderizi”, të cilët “e mbyten” me pyetje për librin “Kebaria, vajza që lexonte bukur” botuar nga Shtëpia Botuese DITURIA pak kohë më parë! Kënaqësi të jesh midis fëmijësh aq kureshtare, një stafi pedagogjik aq të përkushtuar, me një drejtuese të re si Briseida Çekrezi.
Fjalën hapëse dhe mirëseardhëse e mbajti z. Petrit Ymeri, i cili falënderoi autoren për vizitën dhe i nxiti nxënësit të lexonin librin, disa kopje të të cilit iu dhuruan bibliotekës së shkollës nga DITURIA.
Aktiviteti vazhdoi me fjalën e autores Janja Vidmar, që u shpreh e lumtur për këtë botim dinjitoz. E pyetur nga fëmijët kureshtarë rreth librit, krijimtarisë së saj dhe pasioneve, shkrimtarja theksoi se e ka shkruar këtë libër me qëllimin e mirë për të zbutur paragjykimet, ua ka drejtuar lexuesve të vegjël pikërisht për këtë arsye, sepse ata, sipas saj, janë më pak të prekur nga paragjykimet; shembull më i mirë i kësaj janë fëmijët e komuniteteve të ndryshme, që luajnë dhe mësojnë së bashku, shtoi autorja. Të gjithë fëmijët pjesëmarrës në aktivitet treguan se e kishin pëlqyer shumë librin dhe kishin mësuar mjaft prej tij. Mesazhet e tolerancës, mirësjelljes, ndihmës për të tjerët dhe dashamirësisë, duket se kishin ndikuar te nxënësit.
#Kebariavajzaqelexontebukur #JanjaVidmar #NikolleBerisha#DifferentVoices #CreativeEurope #unelexoj #meDiturine
#Kebariavajzaqelexontebukur #JanjaVidmar #NikolleBerisha#DifferentVoices #CreativeEurope #unelexoj #meDiturine