PROJEKTI DIFFERENT VOICES 2017-2018: “Libra të rinj, prezantime, aktivitete, lexime të ndryshme, gjithmonë interesante”
Sërish mes nxënësish! Këtë herë në shkollën “Pandeli Sotiri” në Gjirokaster, drejtori i Sh.B. DITURIA, z. Petrit Ymeri, së bashku me perkthyesit Kleo Lati dhe Jani Malo, për të prezantuar librat “Çadra e purpurt” e “Kostandina” të Alki Zeit, si dhe titujt e tjerë të Projektit Different Voices.
Një diskutim mjaft interesant mes nxënësve, mësuesve, përkthyesve të talentuar të këtyre librave. Z. Petrit Ymeri foli për rëndësinë e madhe te librit, leximit, përzgjedhjes së titujve që duhet të bëjnë shkollat, për të qenë libri, në këtë mënyrë, një mjet i fuqishëm në edukimin, njohjen e jetës dhe zbavitjen e nxënësve. Z. Kleo Lati foli për vlerat dhe mesazhet interesante e aktuale te librit “Çadra e purpurt” të Alki Zeit. I gjithë aktiviteti u zhvillua në një mjedis të mrekullueshëm entuziazmi, dashurie për librin dhe përkushtimi të drejtorit të shkollës, Z. Pandeli Papa dhe mësuesve të letërsisë, si Vojsava Xhai.
